矛盾

矛盾問題只存在於人的腦內.
世界是沒有所謂矛不矛盾的,出現了的就是事實,不會受我們所謂的矛盾所限制.

愛的語理分析

李太: 我愛你!

李生: 愛是甚麼?

李太: 是一種內心的感覺, 感受到愛.

李生: 語意曖昧, 這種說法是迷糊不清或甚至毫無意義的. 而且言辭空廢, 使用重言句冒充事實陳述.

李太: 愛是恆久忍耐, 又有恩慈; 愛是不嫉妒; 愛是不自誇,不張狂.

李生: 概念滑轉, 言辭在不同的意義之間游移而做成思想混亂.

李太: 唉......

對政府既愚民政改言論實在睇唔過眼!!!

唉...依家咩野年代呀?! 政府講野好似呃細路咁....
講咩唔好錯過機會加快民主步伐, 所以應該支持政改.
大陸又講到咩泛民主派是民主進程的破壞者咁.
喂, 呢d係咩邏輯(理論)?! 當人傻架.

如果特區政府同中央有心加快民主步伐, 點解唔立刻攪普選呀????!!!

政府同中央又講到政改好似係施捨乞丐咁款.大佬呀, 政府係服務市民架, 唔係市民要服務政府呀!
你估政府係皇帝定係黑社團大哥呀?! 晌香港攪社會主義式封建呀大佬?! 使唔使對政府官員來個三跪九叩呀大人?!


比喻:

正如你拿住張信用卡去金鋪買金鏈 (要求普選)

售貨員同你講: "我地老細話唔收信用卡架" (唔信要求者)

你講: "我俾現金囉" (有民意基礎)

售貨員: "得, 但係你要慢慢供會" (玩拖延)

你問: "咩意思?"

售貨員: "你要每月供40元, 俾足三十年, 呢條金鏈就係你架啦"

你講: "三十年? 點解我唔可以依家買? 我冇錢咩? 我要依家買走" (想要盡快實行普選)

售貨員: "唔得, 呢d係本店規矩, 你唔買就算" (中央要留難)

你講: "你地都唔係做生意既" (投訴其留難)

售貨員: "我地係打開門口做生意架, 奈何是你自己冇誠意買" (歪曲事理)

你講: "痴線, 有錢都唔俾人買"

售貨員: "明明俾你供月買, 係你自己放棄機會咋, 唔買就過主啦" (推卸責任)

你講: "嘩, 咩世界呀, 分明就係玩野, 你地真係想執笠" (投訴其不合理)

售貨員: "車...我地老細大把錢, 唔志在喎" (態度懶洋洋, 沒有任何進步就正合其心意)

攪經濟帝國主義的邪惡組織WTO

WTO 是大國大集團強迫小國開放市場的侵略工具, 有如滿清時列強用兵馬強迫清政府開放通商權.

它是種經濟的帝國主義, 大國大集團想把小國經濟殖民化, 企圖掌管全球命脈, 到時候人人就成了大集團的奴隸.

大商家玩晒...甚麼助你改善呢樣改善那樣, 只是糖衣陷阱....有如桃太郎派糖俾佢d動物手下食, 食完之後個個戇居居任佢點 (以日本民間故事比喻).

世界剛結束了意識形態戰爭 (共產主義vs資本主義),
就出現了文化戰爭 (回教文化vs基督教文化),
此波未平, 又走個WTO出來攪經濟帝國主義, 遲早攪出經濟戰爭 (貧窮vs富裕).

民治與治民的對立--以意識形態看普選

香港的民主派人士要求加快普選行政長官的進度, 其用意莫過於要求由民而治, 由下而上去建構政權的合理性和認受性, 真正達成港人治港而非以港人治港人的理念. 發達而教育水平和文化水平都普遍地高的社會, 民主政制是無可厚非而又能更公平; 普選是文明和公平社會的指標, 這是從港人的角度看.

可是, 以上的角度卻忽略了對大陸國情的考慮. 政府及人民長期都浸淫於治民的思維及行為, 權力由上而下, 一切以安定為首. 雖有欠公允, 然而普遍落後而教育水平不高的社會是需要這種穩定力量. 民主制在這種社會推行就只會演化為暴民政治和黑金政治. 香港的情況雖然有別, 可是唯恐香港會引起帶頭作用去刺激其他省市爭相提出同樣要求, 還是不給予酌情的好. 況且, 治民的思維根深柢固, 中央很難會同意任由香港去實行民主制度, 這就等同給香港獨立. 這是從大陸人的角度看.

民治與治民的意識形態對立, 很難於香港的普選問題上取得共識, 因此中央多數會實行拖延政策. 香港實行民主制度故然對香港本身有好處, 但對大陸只會有害. 一旦拖延到大陸的普遍社會水平趕上香港, 到時候才可能有同步的政制上改變. 以目前的形勢看, 當權者又怎可能為了一個小城市的利益而犧牲整個國家的安定? 所以, 香港普選之時間表只會寫上「遙遙無期」.